धामोड (कोल्हापूर) : येथील तुळशी धरण पूर्ण क्षमतेने भरले आहे. धरणाच्या तीन वक्राकार दरवाजातून बाहेर पडणाऱ्या पाण्याच्या विसर्गावर स्वांतत्र्यदिनाच्या पूर्वसंध्येला विविधरंगी प्रकाशझोत टाकून तिरंगा रंगात आकर्षक अशी विद्युत रोषणाई करण्यात आली. धरणाच्या इतिहासात प्रथमच केलेल्या अशा या विद्युत रोषणाईने पर्यटकांना वेड लावले. रात्री ही आकर्षक रोषणाई पाहण्यासाठी पर्यटकांची गर्दी झाली.
